大角嘴之新突破

喺大角咀雖然出名嘅餐廳唔多，但係利奧坊已經成為咗一個招牌嘅地方，除咗可以帶埋自己嘅毛孩過嚟之外，😝有陣時去到週末嘅時候總會多咗啲pop up攤檔, 確係做得幾出色，未來應該都會越早越好嘅。🤩 不過係食嘅呢方面呢一度亦都擁有唔少質素高嘅餐廳就例如呢一間名副其實嘅星級餐廳。去到夜晚嘅時候就會有2.5小時嘅任食打邊爐。😎足足有五個餐可以選擇。🥳美國澳洲日本嘅牛任君選擇。價錢方面呢符合返性價比。第一次嚟就即刻打大佬要咗個日本宮崎A5和牛牛肩胛套餐。😏 泰式串燒拼盤— 🍢串燒拼盤熱辣辣新鮮製造， 有炸魚餅同埋雞肉牛肉串燒，🍢尤其是炸魚餅裏面充滿咗泰式嘅香料例如有金不換，而且魚膠做到彈一彈再點正宗嘅甜酸汁簡直係經典嘅味道。 🍢至於串燒亦都有沙嗲汁，回味無窮🥘 芝士焗新鮮龍蝦— 🦞而家嘅套餐仲送埋芝士焗龍蝦，仲要係新鮮嗰一隻，每客足足有半斤咁重！ 🦞燒完之後零舍充滿香味，而且起肉亦都相當容易簡單就已經成隻起咗肉，🧀大量嘅芝士即刻可以包住海洋味十足嘅龍蝦肉，夠爽夠彈夠鮮甜，海鮮之中嘅極品🦞 愛爾蘭生蠔— 🦪另外每位再送多三隻生蠔，愛爾蘭嘅口味相對淡身啲，尾端就有啲甜味最適合就係啱啱試蠔嘅新人🦪 麻辣惹味雞煲— 🍗喺未食肉之前可以先食咗個雞煲，可以選擇辣度，🍗香氣十足，而且裏面亦都加咗唔少嘅調味料令到味道更加濃郁同埋充滿左麻辣嘅味道，🍗至於雞肉亦都相當出色，夠皮薄，仲有鳳爪可以啃下骨。🍗 海膽白麵豉湯底— 🍲平時會比較少嗌麵豉湯底，因為怕湯底太鹹，但係依個有海膽嘅鮮甜味應該會令到湯底鹹甜平衡，亦都可以帶出肉香。🍲 日本宮崎A5和牛肩胛肉— 🥩完左雞煲係時候打邊爐，首先就係要欣賞吓和牛嘅脂肪紋路相當緊密，🥩亦都同其他日本和牛一樣主打嘅就係大約六七成熟，而且日本和牛最優勝嘅地方就係好絲滑咁樣喺口裏面先爆出油脂，之後再係紅卜卜嘅肉汁，perfect 🥩 當然除咗有日本頂級和牛之外，仲有幾款肉類可以選擇，🥩美國Choice牛小排仲有澳洲M7和牛肩胛肉眼都係等級夠晒高嘅選擇，三種唔同國家嘅肉都是齊晒各有各嘅特色🥩 另外喺場裏面仲有超過幾十款火鍋配料，🍲配料除咗平常會見到嘅火鍋食材外，仲有好多特別嘅丸類，例如麻辣湯包丸，我自己都試咗，確實係特別而且惹味。🍲海鮮類有彈牙嘅鮑魚仔，亦都有可以補充骨膠原嘅花膠。呢啲都係可以任食嘅，性價比真係幾高🥳 鮑魚仔,帆立貝— 🍲可以任食鮑魚仔同埋帆立貝梗係唔會錯過。😎今餐一於實行海鮮自由，鮑魚仔同埋帆立貝都係口感爽，但而且鮮甜，就算唔點醬汁都咁好味。🤩 仲有啲炸物小食，🍤就連飲品都零舍多，🍹無限追加多款即叫即製嘅飲品，梳打乳酸，珍珠奶茶，啤酒支裝汽水無限飲，如果加多$58可以任飲紅酒白酒，清酒及生啤，夠晒享受啦！🍻 百香果乳酸特飲—🍹清新酸酸甜甜，而且好解膩，飲完依杯又可以食多幾件。🍹 甜品都係即做，有咖啡店質素，個人推介雪糕窩夫，甜品口味多選擇多。雪糕球方便我就鍾意意大利咖啡雪糕球，🍨食得出係真嘅濃縮咖啡，再加上香滑嘅北海道牛乳雪糕，🍨呢個配搭真係有奶香之餘，又有咖啡嘅香味。☕️當然仲有有大量不同牌子嘅雪糕雪條任君選擇啦！😎 星級餐廳 (大角咀) 大角咀利得街11號利奧坊1樓1503&1504號舖 #大角咀美食#大角咀好去處#大角咀探店#hkcafe#火鍋牛肉#大角咀打邊爐#大角咀晚餐#大角咀必食#大角咀火鍋#火鍋好去處#火鍋自助#火鍋放題#火鍋#香港美食#星級餐廳#食勻全世界#素肌OK#lifehacks#櫻花樹下#UCreator#自助餐#火鍋#放題#燒肉#雞煲#香港美食#九龍美食